ອາກຊັງຕິນລົງນາມຊອກຊື້ເຄື່ອງບິນຂັບໄລ່ F-16AM/BM ມືສອງຈາກດານມາກ 24 ລຳ
ເຄື່ອງບິນຂັບໄລ່ F-16AM/BM
ອາກຊັງຕິນ ໄດ້ສຳເລັດການບັນລຸຂໍ້ຕົກລົງທີ່ຈະຊອກຊື້ເຄື່ອງບິນຂັບໄລ່ Lockheed Martin F-16AM/BM Fighting Falcon
ຈາກດານມາກ ໂດຍມີການລົງນາມສັນຍາ ເມື່ອວັນທີ 16 ເມສາ 2024. ສຳ ລັບການໂອນຍ້າຍເຄື່ອງບິນຂັບໄລ່ F-16AM/BM Mid-Life
Upgrade(MLU) ຂອງກອງທັບອາກາດດານມາກຈາກເດີມຈຳນວນ 24 ລຳ ໃຫ້ແກ່ກອງທັບອາກາດອາກຊັງຕິນ.
ເຄື່ອງບິນຂັບໄລ່ F-16 ຂອງດານມາກ ເຊິ່ງເປັນເວລາຫຼາຍປີທີ່ໄດ້ຮັບໃຊ້ເປັນຢ່າງດີ ແລະ ໄດ້ຜ່ານການຮັບການບຳລຸງຮັກສາ ແລະ ການ
ປັບປຸງທາງດ້ານວິທະຍາການມາແລ້ວ, ຂະນະນີ້ຈະເປັນສິດທິປະໂຫຍດແກ່ກອງທັບອາກາດອາກຊັງຕິນ, ການສົ່ງມອບເຄື່ອງບິນຂັບໄລ່ F-16
AM/BM ໃຫ້ແກ່ອາກຊັງຕິນ ຄາດວ່າຈະດຳເນີນການຂຶ້ນພາຍຫຼັງປີ 2024. ການບັນລຸຜົນການຊອກຊື້ ພິທີລົງນາມໄດ້ສະແດງໃຫ້ເຫັນເຄື່ອງ
ບິນຂັບໄລ່ສອງບ່ອນນັ່ງ F-16AM/BM ຈຳນວນໜຶ່ງລຳຖືກວາງສະແດງເປັນຄັ້ງທຳອິດທີ່ສະແດງໃຫ້ເຫັນເຖິງລວດລາຍ ແລະ ເຄື່ອງໝາຍກອງ
ທັບອາກາດອາກຊັງຕິນຢ່າງເຕັມຮູບແບບ, ເຄື່ອງບິນຂັບໄລ່ສອງບ່ອນນັ່ງ F-16AM/BM ສຳລັບກອງທັບອາກາດອາກຊັງຕິນທີ່ຖືກຈັດສະແດງ
ໃຫ້ເຫັນເຖິງການຕິດຕັ້ງອຸປະກອນພາລະກິດ ແລະ ອາວຸດຫຼາຍແບບກັບຕົວເຄື່ອງ. ອາວຸດປ່ອຍນຳວິຖີອາກາດໄລຍະກາງ AIM-120C AM
RAAM, ຄານອາວຸດ, ບູລະນະເຄື່ອງຈ່າຍເປົ້າລວງ PIDS ຂອງບໍລິສັດ Terma A/S ຂອງດານມາກ, ລະເບີດນຳວິຖີດາວທຽມ GBU-31
JDAM ຂະໜາດ 2000 lbs ແລະ ລະເບີດນຳວິຖີດາວທຽມ GBU-39 SBD ຂະໜາດ 250 lbs ແລະ ຖັງເຊື້ອໄຟສຳຮອງພາຍນອກ
ຂະໜາດ 370 ແກລອນ.
ກອງທັບອາກາດດານມາກ ກຳລັງທົດແທນຝູງເຄື່ອງບິນຂັບໄລ່ F-16AM/BM ຈຳນວນ 40 ລຳຂອງຕົນດ້ວຍເຄື່ອງບິນຂັບໄລ່ JSF ຈຳ
ນວນ 27 ລຳ. ອາກຊັງຕິນ ມີຄວາມພະຍາຍາມມາດົນທີ່ຈະຊອກຊື້ເຄື່ອງບິນຮົບໃໝ່ທົດແທນເຄື່ອງບິນຂັບໄລ່ Dassault Mirage IIIEA
ແລະ ເຄື່ອງບິນຂັບໄລ່ IAI ດາກເຈີ ທີ່ປົດປະຈຳການໄປແລ້ວ.
ແຫຼ່ງທີ່ມາ: ໜັງສືພິມກອງທັບ
ວັນທີ 30/04/2024